ಇ/ಗೆ
ಸನ್ಮಾನ್ಯ ಸಚಿವರು
ಕನ್ನಡ
ಮತ್ತು ಸಂಸ್ಕೃತಿ ಸಚಿವಾಲಯ, ವಿಧಾನಸೌಧ..
ದಿನಾಂಕ
: 22-01-2020
ಗೌರವಾನ್ವಿತ ಸಚಿವರಾದ
ಮಾನ್ಯ ಸಿ.ಟಿ.ರವಿಯವರಿಗೆ.
ತಾವು ಸಚಿವರಾಗಿರುವ ಕನ್ನಡ ಮತ್ತು ಸಂಸ್ಕೃತಿ ಸಚಿವಾಲಯದ ಅಡಿಯಲ್ಲಿ
ಕಾರ್ಯನಿವಹಿಸುವ ಕನಾಟಕ ನಾಟಕ ಅಕಾಡೆಮಿಯಲ್ಲಾದ ಪ್ರಮಾದದ ಬಗ್ಗೆ ತಮ್ಮ ಗಮನ ಸೆಳೆಯಲು ಈ ಪತ್ರ.
ಜನವರಿ 7 ನೇ ತಾರೀಖಿನಂದು ನಾಟಕ ಅಕಾಡೆಮಿಯ ನಿಕಟಪೂವ
ಅಧ್ಯಕ್ಷರಾದ ಜೆ.ಲೊಕೇಶರವರೊಂದಿಗೆ ನಾನೂ ಸಹ ಬಂದು ತಮ್ಮನ್ನು ಬೇಟಿಯಾಗಿ ನಾಟಕ ವಿನಾಕಾರಣ ರದ್ದು
ಮಾಡಲಾದ ಅಕಾಡೆಮಿ ಪ್ರಶಸ್ತಿಗಳ ಕುರಿತು ಚರ್ಚಿಸಿದ್ದೆವು. ಆ ಕುರಿತು ಹೆಚ್ಚಿನ ಮಾಹಿತಿ ನೀಡಲು ಹಾಗೂ
ಈಗ ಆಗಿರುವ ಅವಗಡವನ್ನು ಸರಿಪಡಿಸಲು ಈ ಪತ್ರದ ಮೂಲಕ ಮನವಿ ಮಾಡಿಕೊಳ್ಳುತ್ತಿದ್ದೇನೆ.
ಈಗಾಗಲೇ ಘೋಷಿತವಾದ ಪ್ರಶಸ್ತಿಗಳನ್ನು ರದ್ದುಗೊಳಿಸಿ ಕಲಾವಿದರುಗಳಿಗೆ
ಅವಮಾನ ಮಾಡುವಂತಹ ಪ್ರಯತ್ನವೊಂದು ನಾಟಕ ಅಕಾಡೆಮಿಯಿಂದ ನಡೆದಿದ್ದು ಅತ್ಯಂತ ಬೇಸರದ ಸಂಗತಿಯಾಗಿದೆ.
ಅಕಾಡೆಮಿಯ ಅಧ್ಯಕ್ಷರು ಹಾಗೂ ಸದಸ್ಯರುಗಳು ತಮ್ಮ ಕಾಲಮಿತಿಯಲ್ಲಿ ಬಹುಮತದಿಂದ
ಹಮ್ಮಿಕೊಂಡ ಯೋಜನೆಗಳನ್ನು ಮುಂದಿನ ಕಾಲಾವಧಿಯಲ್ಲಿ ಆಯ್ಕೆಗೊಂಡ ಅಕಾಡೆಮಿಯ ಅಧ್ಯಕ್ಷರ ಸಮಿತಿಯು
ರದ್ದುಗೊಳಿಸುವುದು ಯಾವುದೇ ಕಾರಣಕ್ಕೂ ಸಮರ್ಥನೀಯವಲ್ಲ. ಹೀಗೆ ಮಾಡಿದರೆ ಅಕಾಡೆಮಿಯ ವಿಶ್ವಾಸಾರ್ಹತೆಗೆ
ದಕ್ಕೆಯಾಗುತ್ತದೆ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಗೆ ಕೆಟ್ಟ ಹೆಸರು ಬರುತ್ತದೆ ಎಂಬುದಕ್ಕೆ
ಪ್ರಸ್ತುತ ಕರ್ನಾಟಕ ನಾಟಕ ಅಕಾಡೆಮಿಯಲ್ಲಿ ನಡೆಯುತ್ತಿರುವ ವಿದ್ಯಮಾನಗಳೇ ಸಾಕ್ಷಿ.
ಸರ್,,, ನಾಟಕ ಅಕಾಡೆಮಿ
ಇರುವುದು ರಂಗಕಲೆಯನ್ನು ಉಳಿಸಿ ಬೆಳೆಸಲು. ಕಲಾವಿದರು ಇದ್ದಾಗ ಮಾತ್ರ ಕಲೆ ಇರುತ್ತದೆ, ಉಳಿದು ಬೆಳೆಯುತ್ತದೆ.
ಕಲಾವಿದರನ್ನೇ ಅವಮಾನಿಸುವ ಅವರ ಸ್ವಾಭಿಮಾನಕ್ಕೆ ದಕ್ಕೆ ತರುವ ಕೆಲಸವನ್ನು ನಾಟಕ ಅಕಾಡೆಮಿಯೇ ಮಾಡಿದರೆ
ಅದು ಸಾರ್ವಕಾಲಿಕ ಅಕ್ಷಮ್ಯ. ಈಗ ಆಗಿದ್ದೂ ಸಹ ಅದೇ. ನಾಟಕ ಅಕಾಡೆಮಿಯ ಹಿಂದಿನ ಅವಧಿಯಲ್ಲಿ ಮೂವತ್ತು
ಜನ ರಂಗಸಾಧಕ ಕಲಾವಿದರಿಗೆ ಅಕಾಡೆಮಿಯು ವಿವಿಧ ಪ್ರಶಸ್ತಿಗಳನ್ನು ಘೋಷಿಸಲಾಗಿತ್ತು. ಆದರೆ ಈಗಿನ ನಾಟಕ
ಅಕಾಡೆಮಿಯ ಅಧ್ಯಕ್ಷರ ಅಧ್ಯಕ್ಷತೆಯಲ್ಲಿ ಜನವರಿ 3
ರಂದು ನಡೆದ ಸವಸದಸ್ಯರ ಸಭೆಯಲ್ಲಿ ಘೋಷಿತ ಪ್ರಶಸ್ತಿಗಳನ್ನು ಅಸಿಂಧುಗೊಳಿಸಿ ಹೊಸದಾಗಿ ಪ್ರಶಸ್ತಿಗಳನ್ನು
ಘೋಷಿಸಲಾಗಿದೆ. ಯಾವುದೇ ಅಕಾಡೆಮಿಯ ನಾಲ್ಕು ದಶಕಗಳ ಇತಿಹಾಸದಲ್ಲಿ ಕೊಟ್ಟ ಪ್ರಶಸ್ತಿಗಳನ್ನು ರದ್ದು
ಮಾಡಿದ ಘಟನೆ ಇಲ್ಲಿವರೆಗೂ ನಡೆದಿರಲಿಲ್ಲ. ಅಂತಹ ಅನಪೇಕ್ಷಿತ ಅನಗತ್ಯ ಘಟನೆಗೆ ನಾಂದಿ ಹಾಡಿದ್ದಕ್ಕೆ ಇಡೀ ಕನ್ನಡ ರಂಗಭೂಮಿ ಹಾಗೂ ಪತ್ರಿಕಾ
ಮಾಧ್ಯಮ ತಮ್ಮ ಅಸಹನೆಯನ್ನು ಪ್ರಕಟಿಸಿತು. ಕಲಾವಿದರ ಸ್ವಾಭಿಮಾನವನ್ನು ಅವಮಾನಿಸಿದ ನಾಟಕ ಅಕಾಡೆಮಿಯ ಘನತೆಗೂ ಸಹ ಈ ನಕಾರಾತ್ಮಕ ನಿರ್ಧಾರದಿಂದಾಗಿ ದಕ್ಕೆಯಾಯಿತು. ಅಕಾಡೆಮಿಯ
ಚರಿತ್ರೆಯಲ್ಲಿ ಇದೊಂದು ಕಪ್ಪುಚುಕ್ಕೆಯಾಯಿತು.
ಅಕಾಡೆಮಿಗೆ ಹೊಸದಾಗಿ ಆಯ್ಕೆಗೊಂಡ ಅಧ್ಯಕ್ಷರು ಹಾಗೂ ಸದಸ್ಯರಿಗೆ ಘೋಷಿತ ಪ್ರಶಸ್ತಿ
ಆಯ್ಕೆಯ ಕುರಿತು ಸರಿಯಾದ ಮಾಹಿತಿ ನೀಡಬೇಕಾದ ಅಕಾಡೆಮಿಯ ರಿಜಿಸ್ಟ್ರಾರ್ರವರು ತಪ್ಪು ಮಾಹಿತಿಯನ್ನು
ನೀಡಿ ಎಲ್ಲರನ್ನೂ ನಂಬಿಸಿದರು ಹಾಗೂ ದಿಕ್ಕುತಪ್ಪಿಸಿದರು. ಅವರು ಹೇಳಿದ ಮಾಹಿತಿಗಳನ್ನು ನಂಬಿದ ಸವಸದಸ್ಯರ
ಸಭೆ ಘೋಷಿತ ಪ್ರಶಸ್ತಿಗಳನ್ನು ಅಸಿಂಧುಗೊಳಿಸುವಂತಹ ತಪ್ಪು ನಿರ್ಧಾರವನ್ನು ತೆಗೆದುಕೊಂಡಿದೆ ಹಾಗೂ
ಅದನ್ನು ಸಮಥಿಸಿಕೊಳ್ಳುವ ಅನಿವಾಯತೆ ನಿಮ್ಮದಾಗಿದೆ. ಜನವರಿ 4 ರಂದು ತಮ್ಮನ್ನು ಬೇಟಿಯಾದ ನಾಟಕ
ಅಕಾಡೆಮಿಯ
ಹಾಲಿ ಅಧ್ಯಕ್ಷರು ಸಹ ತಮಗೆ ದೊರೆತ
ಸುಳ್ಳು ಮಾಹಿತಿಗಳನ್ನೇ ಹೇಳಿ ನಿಮ್ಮನ್ನು ಒಪ್ಪಿಸಲು ಪ್ರಯತ್ನಿಸಿ ನಿಮ್ಮನ್ನೂ ಸಹ ದಾರಿ ತಪ್ಪಿಸುವ
ಪ್ರಯತ್ನ ಮಾಡಿದ್ದಾರೆ.
ನಾಟಕ ಅಕಾಡೆಮಿಯ ಹಿಂದಿನ ಅವಧಿಯಲ್ಲಿ ಸದಸ್ಯನಾಗಿದ್ದ ನನಗೆ ಗೊತ್ತಿರುವ ಕೆಲವಾರು
ನಿಜ ಮಾಹಿತಿಗಳನ್ನು ನಿಮ್ಮ ಮುಂದಿಟ್ಟು ಮನದಟ್ಟುಮಾಡಲೆಂದೇ ಈ ಪತ್ರವನ್ನು ಬರೆಯುತ್ತಿರುವೆ. ಅಕಾಡೆಮಿಯ
ಅಧ್ಯಕ್ಷರು ಸದಸ್ಯರುಗಳು ಬದಲಾದರೂ ಅಕಾಡೆಮಿಯೊಂದು ಕೈಗೊಂಡ ಸಕಾರಾತ್ಮಕ ನಿಣಯ ಬದಲಾಗಬಾರದು ಹಾಗೂ ನಾಟಕ
ಅಕಾಡೆಮಿಯ ಘನತೆಗೆ ಯಾವುದೇ ಕಾರಣಕ್ಕೂ ಕುಂದು
ಬರಬಾರದು, ಕನ್ನಡ ನಾಡಿನ ಸಾಂಸ್ಕೃತಿಕ ಚರಿತ್ರೆಯಲ್ಲಿ ನೀವು ಖಳನಾಯಕರಾಗಿ ದಾಖಲಾಗಬಾರದು ಎನ್ನುವುದೇ
ಈ ಪತ್ರ ಬರೆಯುವುದರ ಹಿಂದಿರುವ ಪ್ರಾಮಾಣಿಕ ಉದ್ದೇಶವಾಗಿದೆ. ಮಾನ್ಯ ಸಚಿವರಾದ ತಮ್ಮ ಮುಂದೆ ನಾಟಕ
ಅಕಾಡೆಮಿಯ
ಅಧ್ಯಕ್ಷರು ಹೇಳಿದ ಹಾಗೂ ಕೆಲವು ಪತ್ರಿಕೆಗಳಿಗೆ
ಅವರು ಕೊಟ್ಟ ಕೆಲವಾರು ತಪ್ಪು ಮಾಹಿತಿಗಳಿಗೆ ಸರಿಯಾದ ಉತ್ತರಗಳು ಇಲ್ಲಿವೆ. ಇದಕ್ಕೆ ಪೂರಕವಾಗಿ ಅಗತ್ಯ
ದಾಖಲೆಗಳನ್ನೂ ಸಹ ಈಗಾಗಲೇ ನಿಮಗೆ ಕೊಡಲಾಗಿದೆ. ಈ ಪತ್ರದ ಜೊತೆಗೂ ಲಗತ್ತಿಸಲಾಗಿದೆ.
1. ಅಕಾಡೆಮಿಯ
ಹಿಂದಿನ ಅಧ್ಯಕ್ಷರು ತರಾತುರಿಯಲ್ಲಿ ಪ್ರಶಸ್ತಿಗಳನ್ನು ಘೋಷಿಸಿದ್ದು ಅಸಿಂಧು..?
ಸರ್.. ಅಕಾಡೆಮಿಯಲ್ಲಿ
ವಾರ್ಷಿಕವಾಗಿ ಕನಿಷ್ಟ ಮೂರು ಸರ್ವಸದಸ್ಯರ ಸಭೆಯನ್ನು ಕರೆಯಲಾಗುತ್ತದೆ. ಎರಡನೇ ಸಭೆಯಲ್ಲಿ ಪ್ರಶಸ್ತಿಗೆ
ಅರ್ಹರನ್ನು ಕಾರ್ಯಕಾರಿ ಸಮಿತಿ ಆಯ್ಕೆ ಮಾಡುತ್ತದೆ. ಹಾಗೂ ಮೂರನೆಯ ಸಭೆಯ ನಂತರ ಪ್ರಶಸ್ತಿ ಪ್ರದಾನ
ಮಾಡಲಾಗುತ್ತದೆ. ಹೀಗೆಯೇ ಎರಡನೆಯ ಸರ್ವ ಸದಸ್ಯರ ಸಭೆಯನ್ನು 2019, ಜುಲೈ 29ರಂದು ನಡೆಸಲು ಮೂರು ವಾರಗಳ
ಮೊದಲೇ ಪೂರ್ವಭಾವಿಯಾಗಿ ನಿರ್ಧರಿಸಿ 17ದಿನಗಳ ಮುನ್ನವೇ ಅಕಾಡೆಮಿಯ ಎಲ್ಲಾ ಸದಸ್ಯರುಗಳಿಗೂ ಜುಲೈ
12ರಂದು ಪತ್ರಗಳನ್ನು ಕಳುಹಿಸಲಾಗಿತ್ತು. ಈ ಪತ್ರಕ್ಕೆ ಅಕಾಡೆಮಿಯ ರೆಜಿಸ್ಟ್ರಾರ್‍ರವರೇ ಖುದ್ದಾಗಿ
ಸಹಿ ಮಾಡಿದ್ದು ಅದರಲ್ಲಿ 2019-20ನೇ ಸಾಲಿನ ಪ್ರಶಸ್ತಿ ಬಗ್ಗೆ ಎಂದು ಕಾರ್ಯಸೂಚಿಯಲ್ಲಿ ಸ್ಪಷ್ಟವಾಗಿ
ನಮೂದಿಸಲಾಗಿತ್ತು. ಆಗ ಇನ್ನೂ ಬಿಜೆಪಿ ಸರಕಾರ ಆಡಳಿತದಲ್ಲಿದ್ದಿಲ್ಲ. ಪೂವಯೋಜನೆಯಂತೆ 29ನೇ ದಿನಾಂಕದಂದು
ನಡೆದ ಸರ್ವಸದಸ್ಯರ ಸಭೆಯಲ್ಲಿ ಕಾರ್ಯಸೂಚಿಗೆ ಅನುಗುಣವಾಗಿ ಅರ್ಹ ಸಾಧಕರನ್ನು ಪ್ರಶಸ್ತಿಗೆ ಆಯ್ಕೆ
ಮಾಡಲಾಯಿತು. ಅದು ಮರುದಿನ ಪತ್ರಿಕೆಗಳಲ್ಲಿ ಪ್ರಕಟವಾಯಿತು. ಹೀಗೆ ಪ್ರಕಟವಾದ ನಂತರ ಆಗಸ್ಟ್ 1 ರಂದು
ಸರಕಾರ ಅಕಾಡೆಮಿಯ ನೇಮಕಾತಿಗಳನ್ನು ರದ್ದು ಮಾಡಿತೇ ಹೊರತು ಪ್ರಶಸ್ತಿ ಪ್ರಕಟವಾಗುವುದಕ್ಕಿಂತ ಮುಂಚೆಯಲ್ಲ.
ಸರಕಾರ ಬದಲಾದಂತೆಲ್ಲಾ ಅಕಾಡೆಮಿಗಳಿಗೂ ಬದಲಾವಣೆ ತಂದೇ ತರುತ್ತದೆ ಎಂಬುದನ್ನು ಮೊದಲೇ ಮನಗಾಣುವುದು
ಹೇಗೆ? ಸರಕಾರದಿಂದ ನಾಮನಿರ್ದೇಶನದ ರದ್ದತಿ ಕುರಿತ ಆದೇಶ ಬರುವುದಕ್ಕಿಂತಾ ಮುಂಚೆ ತೆಗೆದುಕೊಂಡ ಅಕಾಡೆಮಿಯ
ಸರ್ವಸದಸ್ಯರ ನಿರ್ಧಾರವನ್ನು ಅಸಿಂಧು, ಅಕ್ರಮ ಎಂದು ಕರೆಯುವುದು ಎಷ್ಟು ಸರಿ..?
 |
| ರಿಜಿಸ್ಟ್ರಾರ್ ರವರೇ ಖುದ್ದಾಗಿ ಸಹಿ ಮಾಡಿದ ಅಧೀಕೃತ ಪತ್ರ |
 |
| ಇಲಾಖೆ ನಿರ್ದೇಶಕರಿಂದ ಅಕಾಡೆಮಿ ರದ್ದತಿಯ ಆದೇಶ ಪತ್ರ |
2. ನವೆಂಬರ್
ಡಿಸೆಂಬರ್ ತಿಂಗಳಲ್ಲಿ ನಡೆಯುವ ಪ್ರಶಸ್ತಿ ಪುರಸ್ಕೃತರ ಆಯ್ಕೆ ಜುಲೈ ಕೊನೆಯಲ್ಲಿ ಮಾಡಿದ್ದೇ ತಪ್ಪು..?
ಸರ್... ಇಂತಹುದೇ
ತಿಂಗಳಲ್ಲಿ ಪ್ರಶಸ್ತಿ ಪುರಸ್ಕೃತರನ್ನು ಆಯ್ಕೆ ಮಾಡಬೇಕು ಎನ್ನುವ ನಿಯಮ ನಾಟಕ ಅಕಾಡೆಮಿಯ ಬೈಲಾದಲ್ಲಿ ಎಲ್ಲಿಯೂ ನಮೂದಾಗಿಲ್ಲ. ಅಕಸ್ಮಾತ್ ವರ್ಷದ ಕೊನೆಗೇ
ಪ್ರಶಸ್ತಿ ಆಯ್ಕೆಗಳು ಆಗಬೇಕೆಂಬುದೇ ನಿಯಮ ಇದ್ದಲ್ಲಿ ಅದನ್ನು ಅಕಾಡೆಮಿಯ ಅಧ್ಯಕ್ಷರ ಗಮನಕ್ಕೆ ತರಬೇಕಾದದ್ದು
ಅಕಾಡೆಮಿಯ ರಿಜಿಸ್ಟ್ರಾರ್ರವರ ಕರ್ತವ್ಯವಾಗಿತ್ತು. 2019-20ನೇ ಸಾಲಿನ ಪ್ರಶಸ್ತಿ ಬಗ್ಗೆ ಎಂದು ಕಾರ್ಯಸೂಚಿಯಲ್ಲಿ
ನಮೂದಿಸಿ ಎಲ್ಲಾ ಸದಸ್ಯರಿಗೂ ಲಿಖಿತ ಪತ್ರದ ಮೂಲಕ ಸವಸದಸ್ಯರ ಸಭೆಗೆ ಆಹ್ವಾನಿಸಿದ್ದು ರಿಜಿಸ್ಟ್ರಾರ್ರವರೇ ಹೊರತು ಅಧ್ಯಕ್ಷರಲ್ಲ. ಬೇಕಿದ್ದರೆ ಅವರು ಎಲ್ಲಾ
ಸದಸ್ಯರಿಗೂ ಬರೆದ ಪತ್ರದ ಪ್ರತಿಗಳನ್ನು ನೀವು ಪರಿಶೀಲಿಸಿ. ಅದರಲ್ಲಿ ರಿಜಿಸ್ಟ್ರಾರ್ರವರ ಸಹಿ ಇರುವುದರಿಂದ
ಇದಕ್ಕೆಲ್ಲಾ ಅವರೇ ಹೊಣೆಗಾರರಾಗುತ್ತಾರೆಯೇ ಹೊರತು ಬೇರೆಯವರಲ್ಲ. ರಿಜಿಸ್ಟ್ರಾರ್ ಮಾಡಿದ ತಪ್ಪಿಗೆ
ಘೋಷಿತ ಪ್ರಶಸ್ತಿಗಳನ್ನು ರದ್ದು ಮಾಡಿ ಕಲಾವಿದರಿಗೆ ಮಾನಸಿಕವಾಗಿ ನೋವು ಕೊಡುವುದು ತಪ್ಪಲ್ಲವೇ ಸರ್..
3. ರೆಜಿಸ್ಟ್ರಾರ್‍ರವರ
ಸಹಿ ಇಲ್ಲದೇ ಅಧ್ಯಕ್ಷರೇ ಪ್ರಶಸ್ತಿ ಪಟ್ಟಿಯನ್ನು ಘೋಷಿಸಿದ್ದಾರೆ..
ಇದು ಇನ್ನೊಂದು ಸುಳ್ಳು
ಮಾಹಿತಿ. ಇದನ್ನೇ ರೆಜಿಸ್ಟ್ರಾರ್‍ರವರು ಹೇಳುತ್ತಾ ಎಲ್ಲರನ್ನೂ ನಂಬಿಸಿದ್ದಾರೆ ಹಾಗೂ ಅದನ್ನೇ ನಿಮಗೂ
ಹೇಳಿ ನಂಬಿಸಲಾಗಿದೆ. ರಿಜಿಸ್ಟ್ರಾರ್ರವರು ಆಡಿದ ಚದುರಂಗದ ಆಟಕ್ಕೆ
ಎಲ್ಲರೂ ಕಾಯಿಗಳಾಗಿದ್ದು ಪ್ರಶಸ್ತಿ ವಂಚಿತ ಕಲಾವಿದರು ಬಲುಪಶುಗಳಾಗಿದ್ದಾರೆ. ಹಿಂದಿನ ಅಕಾಡೆಮಿಯಲ್ಲಿ
ನಡೆದ ಸವಸದಸ್ಯರ ಸಭೆಯ ನಡಾವಳಿಗಳ ಪ್ರತಿ ಕೊಡಲು ನಿಕಟಪೂವ ಅಧ್ಯಕ್ಷರಾದ ಲೊಕೇಶರವರು ಅದೆಷ್ಟು ಸಲ
ಮನವಿ ಮಾಡಿಕೊಂಡರೂ ರೆಜಿಸ್ಟ್ರಾರ್‍ರವರು ಕೊಡಲು ನಿರಾಕರಿಸಿದ್ದರ ಹಿಂದೆ ಅವರ ನ್ಯೂನ್ಯತೆಗಳನ್ನು
ಮುಚ್ಚಿಕೊಳ್ಳುವ ಹುನ್ನಾರವಿತ್ತು. ಅವರು ಹೇಳಿದ ಸುಳ್ಳು ಅದೆಲ್ಲಿ ಬಯಲಾಗುತ್ತದೋ ಎನ್ನುವ ಆತಂಕ ಅವರದು.
ಆದರೆ ಪಟ್ಟು ಬಿಡದೇ ಆರ್‍ಟಿಐ ನಲ್ಲಿ ಅರ್ಜಿ ಸಲ್ಲಿಸಿ ಸರ್ವಸದಸ್ಯರ ಸಭೆಯ ನಡಾವಳಿಗಳ ಪ್ರತಿಯನ್ನು
ಲೊಕೇಶರವರು ಪಡೆಯಬೇಕಾಯ್ತು. ಹಾಗೂ 29ರಂದು ನಡೆದ ಸರ್ವಸದಸ್ಯರ ಸಭೆಯಲ್ಲಿ ಬಹುಮತದ ತೀರ್ಮಾನದಿಂದ
ಆಯ್ಕೆಯಾದ ಪ್ರಶಸ್ತಿ ಆಯ್ಕೆಯ ಪಟ್ಟಿಗೆ ಅಧ್ಯಕ್ಷರ ಜೊತೆಗೆ ರೆಜಿಸ್ಟ್ರಾರ್ ಅವರ ಸಹಿಯೂ ಇತ್ತು. ಅಧ್ಯಕ್ಷರು
ಹಾಗೂ ಸದಸ್ಯರುಗಳ ಸವಸದಸ್ಯರ ಸಮಿತಿ ಒಂದಾಗಿ ಒಪ್ಪಿದ ಪ್ರಶಸ್ತಿ ಆಯ್ಕೆ ಪಟ್ಟಿಗೆ ಅನುಮತಿಸಿ ರೆಜಿಸ್ಟ್ರಾರ್
ಸಹಿ ಮಾಡಿದ ಮೇಲೆ ಘೋಷಿತ ಪ್ರಶಸ್ತಿಗಳು ಅಕ್ರಮ ಆಯ್ಕೆ ಹೇಗಾಗುತ್ತವೆ. ಅಕಾಡೆಮಿಗೆ ಸರ್ವಸದಸ್ಯರ ಸಭೆಯ
ನಿರ್ಣಯವೇ ಅಂತಿಮ ಅಲ್ಲವೇ. ಈಗಿನ ಅಕಾಡೆಮಿಯವರ ಪ್ರಕಾರ ಇದೆಲ್ಲವೂ ಅಕ್ರಮ ಎನ್ನುವುದೇ ನಿಜವಾದಲ್ಲಿ
ಅದಕ್ಕೆ ಮೂಲಭೂತ ಕಾರಣರಾದ ಆಡಳಿತಾಧಿಕಾರಿ ರಿಜಿಸ್ಟ್ರಾರ್ರವರು ಇನ್ನೂ ಅಲ್ಲಿ ಯಾಕಿದ್ದಾರೆ.?
ಮೊದಲು ಶಿಕ್ಷೆಯಾಗಬೇಕಾದದ್ದು ಅವರಿಗಲ್ಲವೆ? ಅವರ ಮೇಲೆ ಇಲಾಖೆಯ ವಿಚಾರಣೆಗೆ ನೀವು ಆದೇಶಿಸುವುದು
ಸೂಕ್ತವಲ್ಲವೆ ಸಾರ್..
4. ಪ್ರೆಸ್
ಮೀಟ್ ಮಾಡದೇ ಪ್ರಶಸ್ತಿ ಪುರಸ್ಕೃತರ ಪಟ್ಟಿ ಬಿಡುಗಡೆ ಮಾಡಿದ್ದು ಸರಿಯಲ್ಲ.
ಹಾಗಂತ ಯಾವ ಬೈಲಾದಲ್ಲೂ
ಹೇಳಿಲ್ಲ. ಘೋಷಿತಗೊಂಡ ಪ್ರಶಸ್ತಿಯ ಪಟ್ಟಿ ಪತ್ರಿಕೆಗಳಲ್ಲಿ ಪ್ರಕಟಗೊಳ್ಳಬೇಕೆಂದರೆ ಸುದ್ದಿಗೋಷ್ಠಿ
ಮಾಡಬೇಕೆಂಬ ನಿಯಮವೇನಿಲ್ಲ. ಪ್ರಶಸ್ತಿ ಪುರಸ್ಕೃತರ ಪಟ್ಟಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ ಪತ್ರಿಕಾ
ಕಾರ್ಯಾಲಯಗಳಿಗೆ ತಲುಪಿ ಮಾರನೆಯ ದಿನ ಪ್ರಕಟಗೊಂಡಿತು. ಇದರಲ್ಲಿ ತಪ್ಪೇನು?. ಪ್ರಶಸ್ತಿ ಆಯ್ಕೆ ಎಂದರೆ
ಯಾರಿಗೂ ಗೊತ್ತಾಗದಂತೆ ಮಾಡುವ ರಹಸ್ಯ ಕಾರ್ಯಾಚರಣೆ ಏನಲ್ಲವಲ್ಲ. 2019-20ರ ಸಾಲಿನ ಪ್ರಶಸ್ತಿಗಳನ್ನೂ
ಸಹ ಸರ್ವಸದಸ್ಯರ ಸಭೆಯಲ್ಲಿ ಅನುಮೋದನೆಗೊಂಡ ಕೂಡಲೇ ಪ್ರೆಸ್‍ಮೀಟ್ ಕರೆದು ಹಾಗೂ ಈಮೇಲ್ ಮೂಲಕ ವಿವರಗಳನ್ನು
ಪತ್ರಿಕೆಗಳಿಗೆ ಕೊಡಲಾಗಿತ್ತು ಹಾಗೂ ಪತ್ರಿಕೆಯವರೇ ಯಾವುಯಾವುದೋ ಮೂಲಗಳಿಂದ ವಿವರ ಪಡೆದು ಪ್ರಕಟಿಸಿದ್ದರು.
ಯಾವುದರ ಮೂಲಕ ಹೇಗೆ ಪ್ರಶಸ್ತಿಗೆ ಆಯ್ಕೆಯಾದವರ ಪಟ್ಟಿಯನ್ನು ಪತ್ರಿಕೆಗಳಿಗೆ ಬಿಡುಗಡೆ ಮಾಡುತ್ತೀರೆಂಬುದು
ಮುಖ್ಯವೋ ಇಲ್ಲಾ ಪ್ರಶಸ್ತಿ ಕುರಿತು ಪತ್ರಿಕೆಗಳಲ್ಲಿ ಪ್ರಕಟವಾಗುವುದು ಮುಖ್ಯವೋ. ಪ್ರಶಸ್ತಿ ಘೋಷಣೆಯಾದ
ಕೂಡಲೇ ಪತ್ರಿಕೆಗಳಿಗೆ ಸುದ್ದಿ ಹೋಗದೇ ವಿಳಂಬ ಮಾಡಿದರೆ ಕುತೂಹಲ ತಾಳದ ಸದಸ್ಯರುಗಳೇ ವಿಷಯವನ್ನು ಪಬ್ಲಿಕ್
ಮಾಡುವ ಸಾಧ್ಯತೆಗಳಿಗೆ ಹಿಂದಿನ ಅನುಭವಗಳೇ ಸಾಕ್ಷಿಯಾಗಿದ್ದರಿಂದ ಆದಷ್ಟು ಬೇಗ ಪತ್ರಿಕೆಗಳಿಗೆ ಕಳುಹಿಸುವ
ಇಲ್ಲವೇ ಪ್ರೆಸ್ ಮೀಟ್ ಮಾಡುವ ಕೆಲಸವನ್ನು ಮಾಡಲಾಗುತ್ತದೆ. ಈಗ ಇವರೂ ಸಹ ಮಾಡಿದ್ದೂ ಹೀಗೆ ಅಲ್ಲವೇ..
ಜನವರಿ 3ರಂದು ಪ್ರಶಸ್ತಿ ಪುರಸ್ಕೃತರನ್ನು ಆಯ್ಕೆ ಮಾಡಿ ಜನವರಿ 4 ರಂದು ಅಧೀಕೃತವಾಗಿ ಪತ್ರಿಕಾಗೋಷ್ಠಿ
ಕರೆಯದೇ ಪಟ್ಟಿಯನ್ನು ಪತ್ರಿಕೆಗಳಿಗೆ ಕಳುಹಿಸಿದ್ದು ಇವರ ಆತುರದ ನಿಧಾರವಲ್ಲವೇ ಸರ್..
5. ಅಕಾಡೆಮಿ ಘೋಷಿಸಿದ ಪ್ರಶಸ್ತಿಯ ಪಟ್ಟಿಗೆ ಕನ್ನಡ ಮತ್ತು ಸಂಸ್ಕೃತಿ
ಇಲಾಖೆಯ ನಿರ್ದೇಶಕರ ಅನುಮತಿ ಇರಲಿಲ್ಲ.
ಅಕಾಡೆಮಿಗಳು ಕನ್ನಡ
ಮತ್ತು ಸಂಸ್ಕೃತಿ ಇಲಾಖೆಯ ಅನುದಾನದಿಂದ ನಡೆಯುತ್ತಿದ್ದರೂ ಸ್ವಾಯತ್ತತೆ ಹೊಂದಿರುವ ಸಂಸ್ಥೆಗಳು. ಇದನ್ನು
ಸರಕಾರವೇ ಒಪ್ಪಿಕೊಂಡ ಬರುಗೂರರ ಸಾಂಸ್ಕೃತಿಕ ನೀತಿಯಲ್ಲಿ ಸ್ಪಷ್ಟವಾಗಿ ಹೇಳಲಾಗಿದೆ. ಸ್ವಾಯತ್ತ ಸಂಸ್ಥೆಯಲ್ಲಿ
ಸರ್ವಸದಸ್ಯರ ಸಭೆಯ ತೀರ್ಮಾನವೇ ಅಂತಿಮ. ಆ ಸಭೆ ತೆಗೆದುಕೊಂಡ ನಿರ್ಣಯ ಬೈಲಾ ಪ್ರಕಾರ ಇದೆಯೋ ಇಲ್ಲವೋ
ಎಂದು ಪರಿಶೀಲಿಸಿ ಅನುಮೋದಿಸುವುದು ಮಾತ್ರ ರೆಜಿಸ್ಟ್ರಾರ್‍ರವರ ಕರ್ತವ್ಯ. ಹೀಗೆ ಸರ್ವಸದಸ್ಯರ ಸಮಿತಿಯೊಂದು
ಬಹುಮತದಿಂದ ಆಯ್ಕೆ ಮಾಡಲಾದ ಪ್ರಶಸ್ತಿ ಪುರಸ್ಕೃತರ ಪಟ್ಟಿಗೆ ಇಲಾಖೆಯ ನಿರ್ದೇಶಕರ ಅನುಮತಿ ಬೇಕೆಂಬುದು
ಯಾವ ಬೈಲಾದಲ್ಲೂ ಹೇಳಿಲ್ಲ. ಬೈಲಾ ಪ್ರಕಾರವೇ ಮಾಡಲಾದ ಕಾರ್ಯಕಾರೀ ಸಮಿತಿಯ ತೀರ್ಮಾನದಲ್ಲಿ ಅನಗತ್ಯವಾಗಿ
ಮೂಗುತೂರಿಸುವ ಅಧಿಕಾರ ರೆಜಿಸ್ಟ್ರಾರ್‍ರವರಿಗೂ ಇಲ್ಲಾ, ಇಲಾಖೆಯ ನಿರ್ದೇಶಕರಿಗೂ ಇಲ್ಲಾ. ಇದು ಗೊತ್ತಿದ್ದರೂ
ರೆಜಿಸ್ಟ್ರಾರ್ ಮೇಡಂ ತಮಗಿಲ್ಲದ ಅಧಿಕಾರವನ್ನು ಚಲಾಯಿಸಲು ಪ್ರಯತ್ನಿಸುತ್ತಿರುವುದೇ ಅಕಾಡೆಮಿಯ ಸ್ವಾಯತ್ತತೆಗೆ
ದಕ್ಕೆಯನ್ನುಂಟುಮಾಡುವಂತಹುದು. ಅಧ್ಯಕ್ಷರುಗಳ ಜೊತೆಗೆ ಸಂಘರ್ಷಕ್ಕೆ ಕಾರಣವಾಗುವಂತಹುದು. ತಾವು ಮಾಡಿದ
ತಪ್ಪನ್ನು ಮರೆಮಾಚಲು ರಿಜಿಸ್ಟ್ರಾರ್ ರವರು ಆಗಿದ್ದ ಇಲಾಖೆಯ ನಿರ್ದೇಶಕರ ಮೇಲೆ ಹೇಳುತ್ತಾ ಎಲ್ಲರನ್ನೂ
ದಿಕ್ಕುತಪ್ಪಿಸುತ್ತಿದ್ದಾರೆ.
6. ಪ್ರಶಸ್ತಿ
ಪುರಸ್ಕೃತರಿಗೆ ಅಭಿನಂದಿಸಿ ಬರೆಯಲಾದ ಪತ್ರಕ್ಕೆ ರೆಜಿಸ್ಟ್ರಾರ್ ಸಹಿ ಮಾಡಿಲ್ಲ.
ಅರೆ.. ಸರ್ವಸದಸ್ಯರ
ಸಭೆಯೇ ಅಂಗೀಕರಿಸಿದ ನಿರ್ಣಯಗಳಿಗೆ ಸ್ವತಃ ರೆಜಿಸ್ಟ್ರಾರ್‍ರವರೇ ಸಹಿ ಮಾಡಿ ತಮ್ಮ ಅನುಮೋದನೆಯನ್ನು
ತಿಳಿಸಿದ ಮೇಲೆ ಮತ್ತೇನಿದೆ ಸರ್.. ಕಾರ್ಯಕಾರಿ ಸಮಿತಿ
ನಿರ್ಧರಿಸಿಯಾಗಿದೆ, ಹೇಗೋ ಪತ್ರಿಕೆಗಳಲ್ಲಿ ಪ್ರಶಸ್ತಿ ಪಟ್ಟಿ ಬಿಡುಗಡೆಯಾಗಿದೆ. ಸ್ವಾಯತ್ತ ಸಂಸ್ಥೆಯೊಂದರ
ಮುಖ್ಯಸ್ಥರಾಗಿರುವ ಅಕಾಡೆಮಿ ಅಧ್ಯಕ್ಷರು ಪ್ರಶಸ್ತಿ ಪುರಸ್ಕೃತರಿಗೆ ಅಭಿನಂದನಾ ಪತ್ರ ಬರೆಯುವುದು
ತಪ್ಪಾ? ಯಾಕೆ ಬರೆಯಬಾರದು? ಅಧ್ಯಕ್ಷರು ಪತ್ರ ಬರೆಯಬಾರದು ಅಂತಾ ಯಾವ ಬೈಲಾದಲ್ಲಿದೆ. ಅಕಾಡೆಮಿಗಳ
ಸ್ವಾಯತ್ತತೆಯನ್ನು ಶತಾಯ ಗತಾಯ ಮೊಟಕುಗೊಳಿಸುವುದೇ ಈ ಅಧಿಕಾರಿವರ್ಗದವರ ತಂತ್ರಗಾರಿಕೆಯಾದರೆ ಅಕಾಡೆಮಿ
ಮುನ್ನಡೆಯುವುದಾದರೂ ಹೇಗೆ..? ಎಲ್ಲಾ ಅಧಿಕಾರಗಳನ್ನೂ ತಮ್ಮ ಕೈಯಲ್ಲಿ ಇಟ್ಟುಕೊಂಡು ಅಕಾಡೆಮಿಯ ಅಧ್ಯಕ್ಷರು
ಹಾಗೂ ಸದಸ್ಯರುಗಳನ್ನು ಸೂತ್ರದ ಬೊಂಬೆಯಂತೆ ಆಟ ಆಡಿಸುವ ಪ್ರಯತ್ನವನ್ನು ಮಾಡುತ್ತಲೇ ಇರುತ್ತಾರೆ.
ಈಗಲೂ ಆಗಿದ್ದು ಅಕಾಡೆಮಿಯ ಸ್ವಾಯತ್ತತೆಯ ಮೇಲೆ ಅಧಿಕಾರಿಶಾಹಿಯ ಸವಾರಿ ಮಾತ್ರ. ಇದಕ್ಕೆ ಬಲಿಪಶುವಾಗಿದ್ದು
ಮಾತ್ರ ಪ್ರಶಸ್ತಿ ಪುರಸ್ಕೃತ ರಂಗಕಲಾವಿದರು.
7. ಉಮಾಶ್ರೀಯವರೇ
ಆಯ್ಕೆ ಮಾಡಿದವರು ಅವರಿಗೇ ಜೀವಮಾನದ ಸಾಧನೆ ಪ್ರಶಸ್ತಿ ಕೊಟ್ಟಿದ್ದು ತಪ್ಪು..
ಇಂತವರಿಗೆ ಪ್ರಶಸ್ತಿ
ಕೊಡಬೇಕು, ಇಂತವರಿಗೆ ಬೇಡವೆಂದು ಬೈಲಾದಲ್ಲಾಗಲಿ ಇಲ್ಲವೇ ಸಾಂಸ್ಕೃತಿಕ ನೀತಿಯಲ್ಲಾಗಲೀ ಎಲ್ಲೂ ನಮೂದಾಗಿಲ್ಲ
ಸರ್.. ನಾಟಕ ಅಕಾಡೆಮಿ ರಾಜಕಾರಣಿ ಉಮಾಶ್ರೀಯವರಿಗೆ
ಪ್ರಶಸ್ತಿಯನ್ನು ಕೊಟ್ಟಿಲ್ಲಾ ಹಾಗೂ ರಾಜಕಾರಣಿಗಳಿಗೆ ನಾಟಕ ಅಕಾಡೆಮಿಯಿಂದ ಪ್ರಶಸ್ತಿ ಕೊಡಲೂ ಬರುವುದಿಲ್ಲ.
ಪ್ರಶಸ್ತಿ ಘೋಷಣೆಯಾದಾಗ ಉಮಾಶ್ರೀಯವರು ಸಚಿವರೇನು ಶಾಸಕರೂ ಆಗಿರಲಿಲ್ಲ. ಕನ್ನಡ ರಂಗಭೂಮಿಯ ಜನಪ್ರೀಯ
ಅಭಿನೇತ್ರಿ ಉಮಾಶ್ರೀಯವರ ಜೀವಮಾನದ ಸಾಧನೆಗಾಗಿ ಪ್ರಶಸ್ತಿಯನ್ನು ಕೊಡಮಾಡಲಾಗಿದೆ. ಅದರ ಹಿಂದೆ ಪ್ರಬಲ
ಕಾರಣವೂ ಇದೆ. ಕಳೆದ ಎರಡು ವರ್ಷಗಳಲ್ಲಿ ನಾಟಕ ಅಕಾಡೆಮಿಯ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ಹಿರಿಯ
ರಂಗಕರ್ಮಿಗಳಾದ ಪ್ರಸನ್ನ ಹಾಗೂ ಗಂಗಾಧರಸ್ವಾಮಿಯವರಿಗೆ ಕೊಟ್ಟು ಗೌರವಿಸಲಾಗಿತ್ತು. ಈ ಇಬ್ಬರೂ ಸಹ
ರಂಗ ನಿರ್ದೇಶಕರಾಗಿದ್ದು ಹವ್ಯಾಸಿ ರಂಗಭೂಮಿಯವರಾಗಿದ್ದರು. ಈ ಸಲ ಅಭಿನಯ ಕಲಾವಿದರನ್ನು ಆಯ್ಕೆಮಾಡುವುದು
ಸೂಕ್ತವಾಗಿತ್ತು. ಎರಡೂ ಸಲ ಪುರುಷರನ್ನೇ ಪ್ರಶಸ್ತಿಗೆ ಪರಿಗಣಿಸಿದ್ದರಿಂದ ಈ ಸಲ ಸಾಧಕ ಮಹಿಳೆಯೊಬ್ಬರಿಗೆ
ಪ್ರಶಸ್ತಿ ಕೊಡುವುದು ಲಿಂಗಸಮಾನತೆ ದೃಷ್ಟಿಯಿಂದ ಸರಿಯಾದ ಕ್ರಮವಾಗಿತ್ತು. ವೃತ್ತಿರಂಗಭೂಮಿ, ಗ್ರಾಮೀಣ
ರಂಗಭೂಮಿ ಹಾಗೂ ಪೌರಾಣಿಕ ರಂಗಭೂಮಿಯವರು ತಮ್ಮ ಕ್ಷೇತ್ರದ ಸಾಧಕರೊಬ್ಬರಿಗೆ ಜೀವಮಾನದ ಪ್ರಶಸ್ತಿಯನ್ನು
ಕೊಡಲೇಬೇಕು ಎಂದು ಅಧ್ಯಕ್ಷರನ್ನು ಒತ್ತಾಯಿಸತೊಡಗಿದ್ದರು. ಇರುವುದೊಂದೇ ಪ್ರಶಸ್ತಿ ರಂಗಭೂಮಿಯ ಯಾವ
ವಿಭಾಗದವರಿಗೆ ಕೊಡುವುದು? ಎಂಬ ಪ್ರಶ್ನೆ ಕಾರ್ಯಕಾರಿ ಸಮಿತಿಯ ಮುಂದೆ ಬಂದಾಗ ಹವ್ಯಾಸಿ, ಗ್ರಾಮೀಣ,
ವೃತ್ತಿ, ಪೌರಾಣಿಕ ಹಾಗೂ ಕೈಗಾರಿಕಾ ರಂಗಭೂಮಿಗೆ ಅಪಾರವಾದ ಕೊಡುಗೆಯನ್ನು ಕೊಟ್ಟ ಮಹಿಳಾ ಕಲಾವಿದೆಯೊಬ್ಬರಿಗೆ
ಈ ಸಲದ ಜೀವಮಾನದ ಪ್ರಶಸ್ತಿಯನ್ನು ಕೊಡುವುದು ಸೂಕ್ತ ಎಂದು ನಿರ್ಧರಿಸಲಾಯಿತು. ಈ ಮಾನದಂಡಕ್ಕೆ ಉಮಾಶ್ರೀಯವರ
ಹೆಸರು ಸೂಕ್ತವಾದ ಆಯ್ಕೆಯಾಗಿತ್ತು. ಹೀಗಾಗಿ ಸರ್ವಸಮ್ಮತದ ಆಯ್ಕೆಯಾಗಿ ಉಮಾಶ್ರೀಯವರನ್ನು ಪ್ರಶಸ್ತಿಗೆ
ಪರಿಗಣಿಸಿ ಆಯ್ಕೆ ಮಾಡಲಾಯಿತು. ಕಲಾವಿದೆ ಉಮಾಶ್ರೀಯವರ ಆಯ್ಕೆಯನ್ನು ಯಾರೂ ವಿರೋಧಿಸಲು ಸಾಧ್ಯವಿಲ್ಲ
ಯಾಕೆಂದರೆ ಅವರು ಜೀವಮಾನದ ಪ್ರಶಸ್ತಿಗೆ ಅತ್ಯಂತ ಅರ್ಹರಾಗಿದ್ದಾರೆ. ಅವರ ಹಾಗೆ ಸಮಗ್ರ ರಂಗಭೂಮಿಯಲ್ಲಿ
ತೊಡಗಿಸಿಕೊಂಡು ಜನಪ್ರೀಯವಾದ ಇನ್ನೊಬ್ಬ ಕಲಾವಿದೆಯ ಹೆಸರನ್ನು ಹುಡುಕುವುದೂ ಸಾಧ್ಯವಿಲ್ಲ. ಉಮಾಶ್ರೀಯವರು
ಉತ್ತಮ ಕಲಾವಿದೆ ಎಂದು ನೀವು ಒಪ್ಪಿಕೊಂಡಿದ್ದೀರಿ.
ಸರ್.. ಮೇಲೆ ಹೇಳಿದ
ಸತ್ಯ ಸಂಗತಿಗಳನ್ನು ದಯವಿಟ್ಟು ಮತ್ತೊಮ್ಮೆ ಪರಿಶೀಲಿಸಿ. ರಿಜಿಸ್ಟ್ರಾರ್ ರವರು ಹೇಳಿದ ತಪ್ಪು ಮಾಹಿತಿಗಳ
ಹಿಂದಿರುವ ಸತ್ಯವನ್ನು ಅರಿಯಲು ದಯವಿಟ್ಟು ಪ್ರಯತ್ನಿಸಿ. ಆಯ್ಕೆಯ ಹಿಂದೆ ತಾಂತ್ರಿಕ ದೋಷಗಳಿವೆಯಾ
ಇಲ್ಲವಾ ಎನ್ನುವುದು ಈಗ ಮುಖ್ಯವಾದ ಸಂಗತಿಯಲ್ಲಾ. 30 ಜನ ಕಲಾವಿದರ ಸ್ವಾಭಿಮಾನದ ಪ್ರಶ್ನೆ ಇದರಲ್ಲಿದೆ.
ನಾಟಕ ಅಕಾಡೆಮಿಯ ವಾರ್ಷಿಕ ಪ್ರಶಸ್ತಿಗೆ ಆಯ್ಕೆಯಾದವರಲ್ಲಿ ಬಹುತೇಕರು ಕನ್ನಡ ರಂಗಭೂಮಿಗೆ ತಮ್ಮದೇ
ಆದ ರೀತಿಯಲ್ಲಿ ಕೊಡುಗೆಯನ್ನು ಕೊಟ್ಟಿದ್ದಾರೆ. ಹಲವಾರು ವರ್ಷಗಳ ಕಾಲ ಪರಿಶ್ರಮವಹಿಸಿದ್ದಾರೆ. ಯಾವುದೇ
ಜಾತಿ, ಧರ್ಮ, ಪಕ್ಷಗಳ ಪಕ್ಷಪಾತವಿಲ್ಲದೇ ಪ್ರಶಸ್ತಿ ಗೌರವಕ್ಕೆ ಪಾತ್ರರಾಗಿದ್ದಾರೆ. ಪ್ರಶಸ್ತಿ ಪಟ್ಟಿಯಲ್ಲಿರುವ
ಬಹುತೇಕರು ತಮಗೆ ಪ್ರಶಸ್ತಿ ಕೊಡಬೇಕೆಂದು ಅರ್ಜಿ ಸಲ್ಲಿಸಿಲ್ಲ, ದುಂಬಾಲು ಬಿದ್ದಿಲ್ಲ, ಲಾಭಿ ಮಾಡಿಲ್ಲ.
ಅಕಾಡೆಮಿಯೇ ಕರೆದು ಕೊಡುತ್ತೇನೆ ಎಂದು ಘೋಷಿಸಿದ ಪ್ರಶಸ್ತಿಯನ್ನು ಅಕಾಡೆಮಿಯೇ ರದ್ದು ಮಾಡುವುದು ಒಳ್ಳೆಯ
ಸಂಪ್ರದಾಯವಲ್ಲ. ಇದರಿಂದ ಸರಕಾರಕ್ಕೆ ಮುಜುಗರವಾಗುವುದರಲ್ಲಿ
ಸುಳ್ಳಿಲ್ಲ.
ಕಲಾವಿದರು ಮೂಲಭೂತವಾಗಿ
ಭಾವುಕ ಜೀವಿಗಳು. ಪ್ರಶಸ್ತಿ ಬಂದಾಗ ಸಂಭ್ರಮಿಸಿದ್ದಾರೆ. ತಮ್ಮ ಶ್ರಮ ಸಾರ್ಥಕವಾಯಿತು ಎಂದು ಸಂತಸ
ಪಟ್ಟಿದ್ದಾರೆ. ಪ್ರಶಸ್ತಿ ಬಂದಿದ್ದನ್ನೇ ನೆಪವಾಗಿಟ್ಟುಕೊಂಡು ಅನೇಕ ಸಂಘ ಸಂಸ್ಥೆಗಳು ಪ್ರಶಸ್ತಿ ಪಡೆಯುವವರನ್ನು
ಸನ್ಮಾನಿಸಿ ಗೌರವಿಸಿವೆ. ಈಗ ಕೊಡಲಾಗುತ್ತದೆ ಎಂದು ಭರವಸೆ ಕೊಟ್ಟು ಇದ್ದಕ್ಕಿದ್ದಂತೆ ಪ್ರಶಸ್ತಿ ರದ್ದು
ಮಾಡಿದರೆ ಕಲಾವಿದರ ಸ್ವಾಭಿಮಾನಕ್ಕೆ ಪೆಟ್ಟುಬೀಳುತ್ತದೆ. ಕಲಾವಿದರು ಅತೀವವಾದ ಮಾನಸಿಕ ವೇದನೆ ಮತ್ತು ಅವಮಾನಕ್ಕೆ ತುತ್ತಾಗುತ್ತಾರೆ. ಕಲಾವಿದರ ಬಗ್ಗೆ ಪ್ರೀತಿ,
ಕಕ್ಕುಲಾತಿ, ಮಮತೆ, ಗೌರವ ಇಲ್ಲದ ನಾಟಕ ಅಕಾಡೆಮಿಯ ಅಧ್ಯಕ್ಷರು ಹಾಗೂ ಸದಸ್ಯರುಗಳು ಜೊತೆಗೆ ಈ ಯಾವುದರಲ್ಲೂ
ಹಸ್ತಕ್ಷೇಪ ಮಾಡದ ನೀವೂ ಸಹ ಪ್ರಶ್ನಾರ್ಹರಾಗುತ್ತೀರಿ. ಪ್ರಶಸ್ತಿಯನ್ನು ಘೋಷಿಸಿ ರದ್ದುಪಡಿಸಿದ್ದಕ್ಕಾಗಿ
ಇಡೀ ಅಕಾಡೆಮಿಯೇ ವಿಶ್ವಾಸಾಹತೆ ಕಳೆದುಕೊಳ್ಳುತ್ತದೆ. ಯಾರೋ ಒಂದಿಬ್ಬರು ಸದಸ್ಯರು ಹಾಗೂ ಅಧಿಕಾರಿಗಳ
ಸೇಡಿನ ರಾಜಕೀಯಕ್ಕೆ ರಂಗಸಾಧಕ ಕಲಾವಿದರು ಬಲಿಪಶುವಾಗುವುದನ್ನು ಇಡೀ ರಂಗಭೂಮಿ ಒಂದಾಗಿ ಖಂಡಿಸುತ್ತಿದೆ.
ಸರ್.. ಇಷ್ಟಕ್ಕೂ
ನಾಟಕ ಅಕಾಡೆಮಿಗೆ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಪ್ರೊ.ಭೀಮಸೇನ್ ರವರ ನೇಮಕಾತಿಯೇ ನೈತಿಕವಾಗಿ ಹಾಗೂ
ತಾಂತ್ರಿಕವಾಗಿ ಅಕ್ರಮವಾಗಿದೆ. ಯಾಕೆಂದರೆ. ಅಕಾಡೆಮಿಗಳ ಬೈಲಾ ನಡಾವಳಿಗಳ ಪ್ರಕಾರ ಅಕಾಡೆಮಿ ಅಧ್ಯಕ್ಷರಾಗಬೇಕಾದವರು
ಬೇರೆ ಕಡೆ ನೌಕರಿ ಮಾಡಕೂಡದು ಎಂದಿದೆ. ಯಾಕೆಂದರೆ ಅಕಾಡೆಮಿಗೆ ಪೂಣಾವಧಿ ಅಧ್ಯಕ್ಷ ಇರಲಿ ಎಂಬುದು
ಅದರ ಹಿಂದಿರುವ ಉದ್ದೇಶ. ಆದರೆ ಭೀಮಸೇನರವರು ತುಮಕೂರಿನ ಮೆಡಿಕಲ್ ಕಾಲೇಜಿನಲ್ಲಿ ಈಗಲೂ ಪ್ರೊಪೆಸರ್
ಆಗಿ ಕೆಲಸ ಮಾಡುತ್ತಿದ್ದು ಜೊತೆಗೆ ನಾಟಕ ಅಕಾಡೆಮಿಯ ಅಧ್ಯಕ್ಷರಾಗಿಯೂ ಪೂಣಾವಧಿ ಹೆಸರಲ್ಲಿ ಪಾಟಟೈಂ
ಕಾಯಕ ಮಾಡುತ್ತಿದ್ದಾರೆ. ಎರಡೂ ಕಡೆ ಸಂಬಳ ಸಾರಿಗೆ ಸವಲತ್ತುಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ.
ಇದು ತಪ್ಪಲ್ಲವೆ ಸಾರ್.. ಯಾವಾಗ ಅವರು ಪೂಣಾವಧಿಯಾಗಿ ನಾಟಕ ಅಕಾಡೆಮಿಯ ಕಾಯಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು
ಸಾಧ್ಯವಿಲ್ಲವೋ ಆಗ ಅಧ್ಯಕ್ಷರಾಗಿ ಮುಂದುವರೆಯಬಾರದಿತ್ತು. ಅಧ್ಯಕ್ಷತೆಯೇ ಬೇಕೆಂದಿದ್ದರೆ ಮೆಡಿಕಲ್
ಕಾಲೇಜಿನ ನೌಕರಿ ಬಿಡಬೇಕಾಗಿತ್ತು. ಈ ಹಿಂದೆ ವಾತಾ ಇಲಾಖೆಯಲ್ಲಿ ಅಧಿಕಾರಿಗಳಾಗಿದ್ದ ಆರ್.ನಾಗೇಶ್
ರವರು ಹಾಗೂ ಕಪ್ಪಣ್ಣನವರು ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿ ನಾಟಕ ಅಕಾಡೆಮಿಯ ಅಧ್ಯಕ್ಷರಾಗಿ ಪೂಣಾವಧಿಯಾಗಿ
ತೊಡಗಿಸಿಕೊಂಡಿದ್ದರು. ಆದರೆ.. ಅದಕ್ಕೆ ವ್ಯತಿರಿಕ್ತವಾಗಿ, ಬೈಲಾಗೆ ವಿರುದ್ಧವಾಗಿ ಅಧ್ಯಕ್ಷರು ನಡೆದುಕೊಳ್ಳುತ್ತಿದ್ದಾರೆ.
ಎರಡೂ ಕಡೆಗೂ ನ್ಯಾಯ ಸಲ್ಲಿಸಲಾಗದೇ ಸೋತಿದ್ದಾರೆ. ಅವರೇ ಒಪ್ಪಿಕೊಂಡ ಯಾವುದೇ ರಂಗಭೂಮಿ ಕಾಯಕ್ರಮಗಳಿಗೂ
ಹೋಗಲಾರದೇ ರಂಗಸಂಘಟಕರಿಗೆ ತೊಂದರೆ ಕೊಡುತ್ತಿದ್ದಾರೆ. ಅಕಾಡೆಮಿಯಲ್ಲಿ ಕೆಟ್ಟ ಸಂಪ್ರದಾಯಗಳನ್ನು ಹುಟ್ಟು
ಹಾಕಿದ್ದಾರೆ.
ಈಗ ಪ್ರಶಸ್ತಿಗೆ ಪಾತ್ರರಾಗಿರುವ
ಕಲಾವಿದರ ಹಿತಾಸಕ್ತಿಯನ್ನು ಕಾಪಾಡುವ ಹೊಣೆಗಾರಿಕೆ ಹಾಗೂ ನಾಟಕ ಅಕಾಡೆಮಿಯ ಗೌರವವನ್ನು ಉಳಿಸಿಕೊಳ್ಳುವ
ಜವಾಬ್ದಾರಿ ಕನ್ನಡ ಮತ್ತು ಸಂಸ್ಕೃತಿ ಸಚಿವಾಲಯದ ಸಚಿವರಾದ ನಿಮ್ಮ ಕೈಯಲ್ಲಿದೆ. ಯಾರೇ ಆಗಲಿ ಕಲಾವಿದರು
ಕಲಾವಿದರೆ,, ರಂಗಭೂಮಿಯವರು ರಂಗಭೂಮಿಯವರೇ.. ಯಾವುದೇ ಕಲಾವಿದರಿಗೆ ಅವಮಾನವಾದರೂ ಅದು ರಂಗಭೂಮಿಯವರಿಗಾದ
ಅವಮಾನವೇ. ರಂಗಭೂಮಿಯಲ್ಲಿ ತೊಡಗಿಸಿಕೊಂಡ ಎಲ್ಲರೂ ಕುಲಬಾಂಧವರೇ. ಬಂಧುಗಳ ಸ್ವಾಭಿಮಾನಕ್ಕೆ ದಕ್ಕೆಯಾಗುವುದನ್ನು
ಸಹಿಸಲಾಗದು, ಅಕಾಡೆಮಿಯ ಅಧ್ಯಕ್ಷರು ಹಾಗೂ ಸದಸ್ಯರುಗಳು ರಂಗಭೂಮಿಯ ಐಕ್ಯತೆಯನ್ನು ಉಳಿಸಲು, ಅಕಾಡೆಮಿಯ
ಸ್ವಾಯತ್ತತೆಯನ್ನು ಕಾಪಾಡಲು, ಕಲಾವಿದರುಗಳ ಸ್ವಾಭಿಮಾನವನ್ನು ಎತ್ತಿಹಿಡಿಯಲು, ಅಧಿಕಾರಿಗಳ ಕುತಂತ್ರವನ್ನು
ಬಯಲುಮಾಡಲು ಒಂದಾಗಬೇಕಿದೆ. ಏನಕೇನ ಪ್ರಕಾರೇಣ ಘೋಷಿತಗೊಂಡ ಪ್ರಶಸ್ತಿಗಳನ್ನು ಕಲಾವಿದರುಗಳಿಗೆ ಕೊಟ್ಟು
ಗೌರವಿಸುವ ಮೂಲಕ ಅಕಾಡೆಮಿಯ ಗೌರವವನ್ನು ಎತ್ತಿ ಹಿಡಿಯಬೇಕಾಗಿದೆ. ಯಾಕೆಂದರೆ ಅಕಾಡೆಮಿಯ ಅಧ್ಯಕ್ಷರು,
ಸದಸ್ಯರು, ಅಧಿಕಾರಿಗಳು ಬದಲಾಗುತ್ತಾರೆಯೇ ಹೊರತು ಅಕಾಡೆಮಿ ಅಲ್ಲಾ.
ಈಗಾಗಲೇ ಹೊಸ ಪ್ರಶಸ್ತಿ ಪುರಸ್ಕೃತರ ಪಟ್ಟಿಯನ್ನು ಘೋಷಿಸಲಾಗಿದೆ.
ಈಗೇನು ಮಾಡುವುದು ಎನ್ನುವುದೇ ಈಗಿನ ಪ್ರಶ್ನೆ.
1. ಕಲಾವಿದರ ಗೌರವವನ್ನು ಎತ್ತಿ ಹಿಡಿಯಲು ಹೊಸದಾಗಿ ಪ್ರಕಟಗೊಂಡ
ಪ್ರಶಸ್ತಿ ಪುರಸ್ಕೃತರ ಜೊತೆಗೆ ಈಗಾಗಲೇ ಘೋಷಿತವಾದ
ಪ್ರಶಸ್ತಿಗಳನ್ನು ಪ್ರದಾನ ಮಾಡುವುದರಿಂದ ಅಕಾಡೆಮಿ ಮಯಾದೆ ಉಳಿಯುತ್ತದೆ. ಕಲಾವಿದರಿಗೂ ನೆಮ್ಮದಿ
ಸಿಗುತ್ತದೆ. ಸಚಿವರಿಗೂ ಅತೀ ಹೆಚ್ಚು ಗೌರವ ದಕ್ಕುತ್ತದೆ.
2. ಇದಕ್ಕೂ ರಿಜಿಸ್ಟ್ರಾರ್ ರವರು ತಕರಾರು ಮಾಡುತ್ತಾರೆ.
30 ಜನರಿಗೆ ಮಾತ್ರ ಪ್ರಶಸ್ತಿ ಕೊಡಲು ಬೈಲಾ ಪ್ರಕಾರ ಸಾಧ್ಯ, ಹಾಗೂ ಹೆಚ್ಚಿನವರಿಗೆ ಪ್ರಶಸ್ತಿ ಕೊಡಲು
ಹಣ ಎಲ್ಲಿಂದ ತರುವುದು ಎಂದು ಅಡ್ಡಗಾಲು ಹಾಕುತ್ತಾರೆ. ಇದಕ್ಕಾಗಿ ಮಾನ್ಯ ಸಚಿವರಾದ ತಾವು ವಿಶೇಷ ಅನುಮತಿಯ
ಜೊತೆಗೆ ಹದಿನೈದು ಲಕ್ಷ ರೂಪಾಯಿಗಳ ಹೆಚ್ಚುವರಿ ವಿಶೇಷ ಅನುದಾನವನ್ನು ಬಿಡುಗಡೆಗೊಳಿಸಲು ಆದೇಶಿಸಿದರೆ
ಈ ಸಮಸ್ಯೆ ಸುಖಾಂತ್ಯವಾಗುತ್ತದೆ. ತಮಗೂ ದೊಡ್ಡ ಹೆಸರನ್ನು ತರುತ್ತದೆ.
3. ಇಲ್ಲವಾದರೆ.. ಈಗಾಗಲೇ ಘೋಷಿತವಾದಂತೆ 2019-20ರ ಸಾಲಿನ
ಪ್ರಶಸ್ತಿಗಳ ಜೊತೆಗೆ ಈಗ ಹೊಸದಾಗಿ ಆಯ್ಕೆಗೊಂಡ ಪ್ರಶಸ್ತಿಗಳನ್ನು 2020-21ನೇ ಸಾಲಿನದೆಂದು ಪರಿಗಣಿಸಿ
ಮಾಚ ತಿಂಗಳು ಕಳೆದ ನಂತರ ಎರಡೂ ವಷದ ಪ್ರಶಸ್ತಿಗಳನ್ನು ಒಂದೇ ದಿನ ಪ್ರದಾನ ಮಾಡುವುದರಿಂದ ಅಕಾಡೆಮಿಯ
ಘನತೆ ಹೆಚ್ಚುತ್ತದೆ. ಇದಕ್ಕೆ ಕಾರಣವಾದವರೆಲ್ಲಾ ದೊಡ್ಡವರೆಣಿಸಿಕೊಳ್ಳುತ್ತಾರೆ. ಹಾಗೂ ಮಾಚ ನಂತರ
ಹೊಸ ಅನುದಾನವೂ ಬರುವುದರಿಂದ ಹೆಚ್ಚುವರಿ ಆಥಿಕ ಭಾರವೂ ಅಕಾಡೆಮಿಗೆ ಬೀಳಲಾರದು. ಈ ಹಿಂದೆ ಶೇಖ ಮಾಸ್ತರ್‍ರವರು
ಅಕಾಡೆಮಿಯ ಅಧ್ಯಕ್ಷರಾಗಿದ್ದಾಗ ಎರಡು ವರ್ಷಗಳ ಪ್ರಶಸ್ತಿಯನ್ನೂ ಒಂದೇ ಬಾರಿಗೆ ಕೊಟ್ಟ ಉದಾಹರಣೆಯೂ
ಇದೆ.
4. ಅಕಾಡೆಮಿಗೆ ಅಧ್ಯಕ್ಷರು ಸದಸ್ಯರುಗಳು ಯಾವುದೇ ರಾಜಕೀಯ
ಕಾರಣಗಳಿಗೆ ಆಯ್ಕೆಯಾಗಿರಲಿ. ಆದರೆ ಒಮ್ಮೆ ರಂಗಭೂಮಿಯನ್ನು ಪ್ರತಿನಿಧಿಸುವ ನಾಟಕ ಅಕಾಡೆಮಿಗೆ ನೇಮಕವಾದಮೇಲೆ
ಸಮಗ್ರ ರಂಗಭೂಮಿಯ ಹಿತಾಸಕ್ತಿಯೇ ಅಕಾಡೆಮಿಯ ಧ್ಯೇಯವಾಗಿರಲಿ ಎಂದು ಅವರಿಗೆ ತಾವು ಕಿವಿಮಾತು ಹೇಳುವುದು
ಸಾಂಸ್ಕೃತಿಕ ಲೋಕದ ಹಿತದೃಷ್ಟಿಯಿಂದ ಒಳ್ಳೆಯದು.
5. ಈ ಎಲ್ಲಾ ಅವಘಡಕ್ಕೆ
ಮೂಲ ಕಾರಣೀಕತರಾಗಿರುವ ರಿಜಿಸ್ಟ್ರಾರ್ ರವರನ್ನು ತಪ್ಪು ಮಾಹಿತಿ ಕೊಟ್ಟಿದ್ದಕ್ಕಾಗಿ ವಿಚಾರಣೆಗೆ
ಒಳಪಡಿಸಿ ವಗಾವಣೆ ಮಾಡುವುದು ಈಗಿನ ತುತು ಅಗತ್ಯವಾಗಿದೆ. ಇಲ್ಲವಾದರೆ ಸ್ವಾಯತ್ತ ಸಂಸ್ಥೆಯಾದ ನಾಟಕ ಅಕಾಡೆಮಿಯನ್ನು
ದಾರಿ ತಪ್ಪಿಸಿ ಅದಕ್ಕೆ ಕೆಟ್ಟ ಹೆಸರು ತರುವ ಪ್ರಯತ್ನ ಮುಂದುವರೆಯುತ್ತದೆ. ನಾಟಕ ಅಕಾಡೆಮಿಗಾಗಿ ಸರಕಾರ
ಕೊಡುವ ವಾಷಿಕ ಅನುದಾನದಲ್ಲಿ ರಿಜಿಸ್ಟ್ರಾರ್ ರವರು ತಮ್ಮ ದೈನಂದಿನ ಸಾರಿಗೆ ವೆಚ್ಚ (ತಿಂಗಳಿಗೆ ಅಂದಾಜು
30 ಸಾವಿರ) ವನ್ನು ಪಡೆಯುತ್ತಿದ್ದಾರೆ. ಬೇರೆ ಯಾವ ಅಕಾಡೆಮಿಗಳ ರಿಜಿಸ್ಟ್ರಾರ್ ರವರಿಗೆ ಇಲ್ಲದ ಸವಲತ್ತನ್ನು
ಅಕ್ರಮವಾಗಿ ಇವರು ಅನುಭವಿಸುತ್ತಿದ್ದಾರೆ. ಇದರಿಂದಾಗಿ ಕಲೆ ಹಾಗೂ ಕಲಾವಿದರಿಗಾಗಿ ಮುಡುಪಿಟ್ಟ ಎಂಬತ್ತು
ಲಕ್ಷದಷ್ಟು ಹಣದಲ್ಲಿ ವಾಷಿಕವಾಗಿ ಮೂರ್ನಾಲ್ಕು ಲಕ್ಷದಷ್ಟು ಹಣ ರಿಜಿಸ್ಟ್ರಾರ್ ರವರ ಸಾರಿಗೆಗೆ ಖಚಾಗುತ್ತಿದೆ.
ಇದನ್ನು ಮೊದಲು ನಿಲ್ಲಿಸಿದರೆ ಆ ಹಣ ಅಕಾಡೆಮಿಯ ಕೆಲಸಕಾಯಗಳಿಗೆ
ಸದುಪಯೋಗವಾಗುತ್ತದೆ.
ಮಾನ್ಯ ಸಚಿವರೆ..
ಇಷ್ಟಕ್ಕೂ ನಿಮಗಿನ್ನೂ
ಸಂದೇಹಗಳಿದ್ದರೆ ದಾಖಲೆಗಳ ಸಮೇತ ಬಂದು ನಿಮಗೆ ಮನದಟ್ಟು ಮಾಡಲು ನಾವು ಸಿದ್ದರಾಗಿದ್ದೇವೆ. ಕಲಾವಿದರೇ ರಂಗಭೂಮಿಯ ಉಳಿವಿಗೆ ಮೂಲ ಆಕರ. ಅವರ ಹಿತಾಸಕ್ತಿಯನ್ನು
ಕಡೆಗಣಿಸುವ ಯಾವುದೇ ವ್ಯಕ್ತಿಯಾಗಲಿ ಇಲ್ಲವೇ ಸಂಸ್ಥೆಯಾಗಲಿ ರಂಗಭೂಮಿಯ ಇತಿಹಾಸದಲ್ಲಿ ಖಳನಾಯಕರಾಗಿ
ದಾಖಲಾಗುತ್ತಾರೆ. ಅಧಿಕಾರಿಗಳು ಬರುತ್ತಾರೆ ಹೋಗುತ್ತಾರೆ ಆದರೆ ರಂಗಕರ್ಮಿಗಳು ರಂಗಭೂಮಿಯಲ್ಲೇ ಕಾರ್ಯನಿರತರಾಗಿ
ಇರಬೇಕಾಗುತ್ತದೆ. ಕಲಾವಿದರಿಗೆ ಅಗೌರವ ತರುವಂತಹ ಯಾವುದೇ ಪ್ರಯತ್ನಗಳನ್ನು ಎಲ್ಲರೂ ವಿರೋಧಿಸಲೇಬೇಕಲ್ಲವೇ..
ಇಂತಹ ಯಾವುದೇ ಪ್ರತಿರೋಧಕ್ಕೆ ಅವಕಾಶವನ್ನು ಕೊಡದೇ ಈ ಹಿಂದೆ ಘೋಷಿತವಾದಂತೆ ಕಲಾವಿದರಿಗೆ ಪ್ರಶಸ್ತಿಗಳನ್ನು
ಕೊಟ್ಟು ಕಲಾವಿದರ ಆತ್ಮಗೌರವವನ್ನು ಕಾಪಾಡುತ್ತೀರಿ ಹಾಗೂ ನಾಟಕ ಅಕಾಡೆಮಿಯ ಘನತೆಯನ್ನೂ ಉಳಿಸುತ್ತೀರಿ
ಎಂದು ನಂಬಿದ್ದೇನೆ.
-ಶಶಿಕಾಂತ ಯಡಹಳ್ಳಿ
ನಿಕಟಪೂವ ಸದಸ್ಯ, ಕನಾಟಕ ನಾಟಕ
ಅಕಾಡೆಮಿ
ರಿಜಿಸ್ಟ್ರಾರ್ ರವರು
ಸಹಿ ಮಾಡಿದ ಸವ ಸದಸ್ಯರ ನಡಾವಳಿ ದಾಖಲೆಗಳು ಇಲ್ಲಿವೆ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ